Further Information

Baðistað við baðistovu, skiftirúmi og brúsu.

Vit hava ætlan um at gera eina oasu, sum skal hóska væl til grøna náttúrliga umhvørvið í Tjaldavík.
Í hesum sambandi hava vit fingið loyvið frá Yvirfriðingarnevndini og Hovs kommunu at seta eina baðistovu upp, gera eina gongugøtu og eina brúgv í Tjaldavík. Vegna skiftandi veður, ynskja vit at hava møguleikan at skifta í baðiklæði innandura, áðrenn vit loypa á sjógv. Vit ynskja eisini at gera eina gongugøtu, soleiðis at tað er trygt og lætt at ganga frá parkeringsøkinum til baðistaðið, serliga um veturin.

Umhvørvisligu hentleikarnir skulu gagna limunum í felagnum, men almenningurin skal eisini kunna fáa gleði av hesum. Møguleiki skal t.d. vera hjá fyritøkum og øðrum bólkum, sum fara gongutúrar ella útferðir at bíleggja og njóta baðistaðið. Á sama hátt skulu ferðafólk hava møguleikan at bíleggja sær atgongd til baðistaðið gjøgnum Visit Suðuroy

Baðistovan skal hava eina sauna, serliga tí tað er heilsugott at koma inn í hitan, aftaná ein hevur verið í kalda sjónum. At baða í sjónum gevur vælveru, orku og stimbrar kropp og sinn. Sjóbaðarir møtast til góða samveru og nýta umhvørvið til fulna á hesum vakra stað.

Hví hópfígging?

Stuðulin sum vónandi kemur inn her, verður nýttur til gera eina gongugøtu, seta upp eina baðistovu og eina baðibrúgv.

Finn okkum á instagram og á Facebook #sjódypp