Mannagongd

Ein og hvør við einum góðum hugskoti til eina skapandi verkætlan kann leggja sítt hugskot út á Hópfíggingarportalin. Skaparar av verkætlanum kunnu lýsa við teirra verkætlanum á portalin við teksti, myndum, uppgávulistum og/ella sjónbondum.

Hvør verkætlan hevur eitt fíggingarmið og eina tíðarfreist, sum er ásett av verkætlanarskaparanum. Aftur fyri at pengar verða latnir, bjóða skapararnir afturløningar. Um fólkinum dámar eina verkætlan, lata tey pengar til verkætlanina umvegis gjaldskort. Tá fíggingarmiðið verður rokkið ella fer upp um lægst ásettu samlaðu upphæddina, verður upphæddin flutt av gjaldskortinum til verkætlanarskaparan, tá ið ásetta tíðarfreistin er farin. Verður fíggingarmiðið ikki rokkið innan fyri ásettu tíðarfreistina, verða ongar upphæddir fluttar, og verkætlanarskaparin móttekur ongan stuðul.

Gjøld og avgjøld

• Lukkast tað eini verkætlan at fáa stuðul, dregur Hópfígging 8% í eydnugjald frá innsavnaðu peningaupphæddini.
• Avgjøld í samband við gjaldskortflytingar verða goldnar av verkætlanarskaparanum. Móttakari av peningaupphæddini rindar møgulig viðskiftagjøld.
• Lukkast tað ikki at fáa verkætlanina stuðlaða, detta møgulig avgjøld burtur.

Verkætlanarábyrgd

Verkætlanarskaparar hava einaábyrgd av at fullfíggja teirra verkætlanir og at útluta afturløningar. Hópfígging hevur ikki ábyrgd av at tryggja, at verkætlanirnar verða framdar sum ætlað. Vinarliga les brúkaraavtaluna ella set teg í samband við okkum, um tú hevur spurningar.