Further Information

Parkour

Parkour er ein ítróttargrein í vekir stóran áhugað hjá børnum og ungum í dag.
Parkour er ofta misskilt, vegna tað man sær í sjónvarpinum og á netinum. Parkour er, við sínum spælandi og spennandi rørslum, sera gott til at menna kroppstilvit og kropsligt forvitni, serstakliga hjá børnum og ungum

Uppruna

Move hevur seinastu árini verið við at menna tey motorisku, mentalu og sosialu førðleikanir hjá hundraðtals børnum í øllum aldrum. Vit byrjaðu so smátt við at leiga okkum inn har tað var møguligt. Vit hava hildið til í fimleikahøllum, ítróttarhøllum og úti. Ja, allastaðni tú kanst ímynda tær.
Tað hevur verið stuttligt, men eisini ein kampur til tíðir.
At gera Parkour krevur nemliga útgerð og umstøður sum skiftur frá høll til høll, fyri ikki at snakka um undanarbeiðið áðrenn venjing, avruddingar arbeiði og tað Føroyska veðrið.
Við okkara mongum royndum vita vit hvat børnunum tørva og hvat krevst av umstøðunum fyri at tey kunna mennast og fáa sum mest burturúr.
Tí eru vit farin í hált við at byggja eina Parkourhøll í Vági.
Endamálið er at skapa eitt stuttligt og motoriskt mennandi umhvørvi.
Eitt stað har ið man kann ganga til Parkour og har børn og ung kunnu koma at hava tað stuttligt.

Parkour leggur grundina

Hvørt triða barn, sum byrjar í skúla hevur niðursettan motoriskan førleika. Hetta avmarkar ikki bara ta kropsligu menningina, men kanningar vísa, at tað eisini kann ávirka innlæringina. Gransking vísir á, at tað er tørvur á eini grundleggjandi motoriskari menning.
Parkour við sínum grundleggjandi rørslum, kann vera við at gera ein avgerandi men á tað motoriska flogvitið hjá børnum og ungum.
Parkour skal tí ikki síggjast sum ein ítróttargrein fyri seg, men eisini sum íblástur og ískoyti til aðra venjing og aktivitet.

Ætlan

Ætlanin er at høllin skal nýtast sum eitt slag av ungdómshúsi. Húsið skal vera opið seinnapartar og vikuskiftir so børn, ung og vaksin kunna koma inn og spæla og vera aktiv.
Fyri ein bíligan mánaligan limaskap far man atgong til allar opnar tímar í Move. Fyri vitjandi er tað ein einkult upphædd fyri dagin. So øll kunna sleppa inn og vera aktiv og sosial í Move.

Move bjóðar ikki bara Parkour

Yoga
Í stuttum snýr Yoga seg um at fáa samsvar ímillum kropp og sinn, hetta verður gjørt við ymiskum rørslum, andadráttsvenjinum og djúpari hvíld.

Acroyoga
Í Acroyoga er talan um tvey ella fleiri, ið gera rørslur saman. Rørslurnar hava íblástur frá akrobatikki og fimleiki samanset við Yoga.
Tú verður sterkari og fimari við at gera Acroyoga og verður eisini betri til at samskifta. Ein stórur partur er at samskifta við makkaran og fáa eina kenslu av kropsligari handfaran.

Sport Pole
Sport Pole er ein ítróttargrein har ein nýtir eina stong at gera ymisk "tricks" á. Hetta er ein stuttligur venjingarháttur, samstundis sum ein verður sterkari og liðiligari.

Vit hava royndir innan nógvar ítróttargreinar og vilja bjóða øðrum møguleikan at fáa tað sama. Í framtíðini ætla vit at gera rúmini í miðaru hæddini í bygninginum til aðrar ítróttagreinar eitt nú styrkivenjing, dans, Acroyoga, Yoga og Sport Pole.

(myndir av hølum er tikin av netinum sum íblástur)

Rørslurok

Move byrjaði við Rørslurok í summarið 2018, sum ein verkstova á Summarnám hjá Margarinfabrikkini. Aftaná eina fantastika verkstovu vistu vit at hetta var ein gyltur møguleiki at vísa børnum á ymsar møguleikar at røra seg uppá og at tey tora og megna, so nógv meira enn tey halda.
Rørslurok er nú ein føst summar verkstova bæði hjá Move og Margarinfabrikin.

Dagstúrar til Vágs

Dagstovnar og skúlar kunna koma í Move og royna seg við Parkour og øðrum spennadi sum Move bjóðar og síðani fari í Pálshøll at spæla sær í svimjihylinum ella slanga sær á vælveru depilinum.

Meginreglur

Grundleggjandi fæst Move við at skapa eina sunna tilgongd til rørslu. Hetta gera vit út frá trimum meginreglum.

Rørslukvalitet
Vit halda at allar rørslur eru umráðandi. Tí er dentur lagdur á vanligan rørslukvalitet, líka mikið um vit grulva, renna ella hoppa. Vit vilja hava øll hava succes upplivingar og læra at virðismeta tey smáu framstigini.

Motorisk menning
Dentur er lagdur á heilkrops koordination, balansu, fimi og rørslufríðheit. Move skal tí ikki síggjast sum ein fastur formur, men sum íblástur og ískoyti til aðra venjing og aktivitet.

Sosial virði
Í Move arbeiða vit ímóti at skapa eitt undirvísingarumhvørvi, har vit møtast sum javnmett, við viðurkenning fyri hvørjum øðrum. Í síðsta enda eru vit bara sosialir skapningar, ið læra, arbeiða og trívast best í einum umhvørvi, har vit føla okkum góðtikin og viðrismett.

Vit vita at góðir rørsluvanar, hava avgerandi týdning fyri heilsuna seinni í lívinum. Tí vilja vit at enn fleiri koma at kenna vælveruna og heilsuligu ágóðarnar við at vera likamliga virkin.

Spuringar

Um tit hava nærri spurningar um samsýningarnar ella annað eru tit vælkomin at skriva til okkum á www.Facebook.com/movefo ella á instagram @move_foroyar